မိုးကောင်းမြို့နယ်၌ ၁၅ နှစ်အရွယ်သမီးအရင်းအား ဖခင်ဖြစ်သူမှ အလိုမတူပဲ သားမယားအဖြစ်ပြုကျင့်မှုဖြစ်ပွား

မိုးကောင်း ဇူလိုင် ၅

ကချင်ပြည်နယ် မိုးကောင်းမြို့နယ် အင်ကြင်းကုန်းကျေးရွာ၌ ၁၅ နှစ်အရွယ်သမီးအရင်းအား ဖခင်ဖြစ်သူမှ အလိုမတူပဲ သားမယားပြုကျင့်မှုဖြစ်ပွားခဲ့၍ ဇူလိုင် ၅ ရက်က ပင်းဘောနယ်မြေရဲစခန်းတွင် အမှုဖွင့်တိုင်တန်းခဲ့ကြောင်း သိရသည်။

ဖြစ်စဉ်မှာ မိုးကောင်းမြို့နယ်၊ အင်ကြင်းကုန်းကျေးရွာနေ မ—-(၁၅ နှစ်)သည် ခတ်ချိုဘက်ရှိ ငှက်ပျောစိုက်ခင်းတွင် အလုပ်လုပ်နေရာမှ ဇွန် ၃၀ ရက်က နေအိမ်သို့ပြန်လာပြီး ဆားမှော်ကျေးရွာရှိ အဘွားဖြစ်သူထံ သွားရောက်လည်ပတ်နေစဉ် ဖခင်ဖြစ်သူ ဦးဝင်းမောင်(၄၉ နှစ်)မှ လာရောက်ခေါ်ဆောင်ခဲ့၍ နေအိမ်သို့ပြန်လည်လိုက်ပါလာခဲ့သည်။

ဇူလိုင် ၃ ရက်ညတွင် ဖခင်နှင့်အတူနေအိမ်တွင်အိပ်နေစဉ် နံနက် ၁ နာရီခန့်၌ ဖခင်ဖြစ်သူက အလိုမတူပဲသားမယားပြုကျင့်ရန်ကြံစည်သဖြင့် တားမြစ်သော်လည်း လက်မခံပဲ မျက်နှာအားဓာတ်မီးဖြင့်ရိုက်နှက်ကာ အလိုမတူပဲ သားမယားအဖြစ်တစ်ကြိမ် ညဘက်တွင်တစ်ကြိမ် ထပ်မံပြုကျင့်ခဲ့ကြောင်း သိရသည်။
ဇူလိုင် ၅ ရက်နံနက် ၆ နာရီတွင် ဖခင်ဖြစ်သူက ဆပ်ပြာရည်ဗူးဝယ်ခိုင်းစဉ် ကျေးရွာအုပ်ချုပ်ရေးမှူးထံအကြောင်းကြားပြီး ပင်ဘောနယ်မြေရဲစခန်းတွင် အမှုဖွင့်တိုင်တန်းခဲ့ကြောင်းနှင့် ပင်းဘောနယ်မြေရဲစခန်းမှ သက်သေခံပစ္စည်းများအား ရှာဖွေပုံစံဖြင့်သိမ်းဆည်းကာ ဦးဝင်းမောင်အား အမှုဖွင့်အရေးယူနိုင်ရန် စီစဉ်လျက်ရှိကြောင်း သိရသည်။

ဝင်းနိုင်(ကချင်မြေ)

Leave a Reply

Your email address will not be published. Required fields are marked *