“ခင်ဦးမြို့နယ်၌ (၈၃)နှစ်အရွယ်အဖွားအိုတစ်ဦး သားမယားအဖြစ်ပြုကျင့်ခံရ”

ခင်ဦး ဇူလိုင် ၆

စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်တွင် မွေးရာပါစကားမပြောတတ်သော လူငယ်တစ်ဦးမှာ (၈၃)နှစ်အရွယ် အဖွားအိုတစ်ဦးအား သားမယားပြုကျင့်ခဲ့ကြောင်း မြို့မရဲစခန်းမှ သိရသည်။

ဖြစ်စဉ်မှာ ခင်ဦးမြို့နယ်၊ ကြို့ကန်ကျေးရွာနေ ဒေါ်…..(၈၃)နှစ်(ဘ)ဦး…..သည် ဇူလိုင် ၅ ရက်နေ့ နံနက် ၈ နာရီ ခန့်က တစ်မိုင်ခန့်ကွာဝေးသော ခင်ဦးမြို့နယ်၊ ကျွန်းပင်ကန်ကျေးရွာနေ ဒေါ်သင်း ထံအကြွေး(၂၅၀၀)ကျပ် ရစရာရှိသဖြင့် တစ်ဦးထဲလမ်းလျှောက်၍ သွားတောင်းပြီးအပြန် လမ်းခုလပ်တွင် မွေးရာပါစကားမပြောတတ်သော မိုးဒီ(၂၀)နှစ်(ဘ)ဦး…..ကျွန်းပင်ကန်ကျေးရွာ၊ ခင်ဦးမြို့နယ်နေသူမှာ နောက်မှလိုက်လာ၍ ပခုံးအားဆွဲလှန်ပြီး မြေကြီးပေါ်တွန်းလှဲကာ အပေါ်မှတက်ခွပြီး ရင်းသားများအားကိုင်ကာ(၁၀)မိနစ်ခန့် သားမယားအဖြစ်ပြုကျင့်နေစဉ် အော်ဟစ်ရုန်းကန်ရင်း ၎င်း မိုဒီ(၂၀)နှစ်၏ လည်ပင်းတွင် ချည်ကြိုးဖြင့်ဝတ်ဆင်ထားသောဆွဲပြားမှာ ပြတ်ကျန်ခဲ့ပြီး ထွက်ပြေးသွားခဲ့သဖြင့် ခင်ဦးမြို့မရဲစခန်းသို့ ဇူလိုင်(၅)ရက်နေ့ နေ့(၂)နာရီခန့်က လာရောက်တိုင်တန်းခဲ့သည်။

၎င်းဖြစ်စဉ်နှင့်ပါတ်၍ ခင်ဦးမြို့မရဲစခန်းမှ (ပ)၃၇၅/၂၀၁၉၊ရာဇသတ်ကြီးပုဒ်မ-၃၇၆ ဖြင့် အမှုဖွင့်ပြီး၊ မြို့မစခန်းမှူး ဒုရဲမှူးထွဏ်းထွဏ်းဦး၊ ကုန်ကြီးရဲကင်းစခန်းမှူးဒုရဲအုပ်ထွန်းလင်းနှင့် တပ်ဖွဲ့ဝင်များသည် သက်သေများနှင့်အတူ အခင်းဖြစ်နေရာသို့ သွားရောက်စစ်ဆေးပြီး တရားခံ မိုးဒီ(၂၀)နှစ်အား ၂၄ နာရီအတွင်း အမြန်ဆုံး ရှာဖွေဖမ်းဆီးနိုင်ခဲ့ကြောင်း သိရသည်။

~ချစ်စံ(ခင်ဦး)~
ကိုအောင်မင်းနိုင်

Leave a Reply

Your email address will not be published. Required fields are marked *